Skákdeild Breiðabliks

Síðast breytt: 8.janúar 2013

Eyðublað til skráningar í skákdeildina er neðst á síðunni.

Æfingar veturinn 2013

Mánudagar kl 17:00 - 19:00: Ungmennaæfingar fyrir 16-25 ára (Páll Andrason)

Föstudagar kl 14:30 - 16:30: Æfingar fyrir grunnskólanemendur á vegum Skákakademíu Kópavogs (Helgi Ólafsson stórmeistari). Tilvalið að nota Blikavagninn til að fara á æfinguna, sjá: http://www.breidablik.is/forsida/rutuferdir/

Æfingarnar eru í Stúkunni við Kópavogsvöll (3ju hæð). Gengið inn um kjallarahæð bakatil.

Ungmennaæfingar

7.janúar 2013: Úrslit Mikael Jóhann Karlsson sigraði á fyrstu æfingunni eftir úrslitaskák við Guðmund Kristinn Lee

Heldur brösulega hefur gengið að Fréttir af stofnun félagsins og húsnæðismálum

6.desember 2012: Heldur brösulega hefur gengið að koma félaginu af stað, en án hentugs húsnæðis er víst lítið hægt að gera. En vonandi fer sá ferill að klárast og deildin geti þá farið að starfa eðlilega. Í byrjun október var okkur veitt innganga í Skáksamband Íslands og á fundi 5.nóvember vorum við gerð að deild innan Breiðabliks. 15.nóvember fékk svo skákdeildin kennitölu hjá RSK ( kt 5611121770) . Núna er verið að vinna að því að fá tíma til skákæfinga í Stúkunni eftir áramót. Vandamálið er að ekki er ljóst hverjir munu reka Stúkuna eftir áramót (Íþróttadeild Kópavogsbæjar eða Breiðablik) og að núverandi vaktir starfsmanna í Stúkunni gera ekki ráð fyrir því að hægt sé að vera með kvöldæfingar (vaktinni lýkur kl 21:00).

Úrslit miðvikudaginn 3.október

Þrátt fyrir að æfingatíminn sé ekki sá albesti þá var ágætis mæting og breidd sem lofar góðu fyrir framhaldið. Þrír strákar úr Salaskóla tóku strætó niður í Smára, tveir efnilegir áhugaskákmenn úr bænum mættu, tveir Akureyringar úr Goðinn-Mátar, tveir ungir menn úr Skákfélagi Íslands, Stefán Baldursson Kópavogsbúi og fyrrum forseti Skáksambandsins auk Halldórs Grétars sem sá um skákstjórn. Arnar Þorsteinsson og Jón Þorvaldsson litu svo við og tefldi við yfirsetumanninn. Örn Leó Jóhannsson kom sá og sigraði með 9 1/2 vinningi af 10 mögulegum. Sjá nánar úrslit og myndir með því að klikka hérna.

Skákæfing hjá Skákdeild Breiðabliks kl 18:00 miðvikudaginn 3.október

Að undaförnu hefur verið unnið að því að tryggja Skákdeild Breiðabliks húsnæði fyrir framtíðar starfsemi sína. Það verður haldin skákæfing miðvikudaginn 3.október kl 18:00 - 20:30 sem vonandi sem flestir skákmenn í Kópavogi (sama í hvaða taflfélagi þeir eru í dag, ungir sem aldnir) nýta sér til þess að undirbúa sig fyrir átökin í Íslandsmóti Skákfélaga um helgina.  Vinafélög skákdeildarinnar, Goðinn-Mátar og Skákfélag Íslands verða gestir okkar í dag. Gengið er inn á neðstu hæð bakvið stúkuna á Kópavogsvellinum og síðan tekin lyfta sem þar er upp á 3ju hæð.

Draumurinn er að stúkan verði mekka skákarinnar í Kópavogi á komandi árum og að sá efniviður sem býr í skákmönnum í Kópavogi eigi eftir að dafna þar við leitina að sannleikanum í skákinni.

Hugmyndin

Ákveðið hefur verið að stofna Skákdeild Breiðabliks.

Í nokkurn tíma hefur ekkert taflfélag verið starfrækt í Kópavogi og því hafa skákmenn þaðan þurft að skrá sig í utanbæjarfélög.

Ekkert félagsgjald er í skákdeildina og hugmyndin er að skákmenn haldi óbreyttri félagsaðild sinni að núverandi félagi en bæti einungis við sig öðru félagi. Smám saman mun síðan Skákdeild Breiðabliks þroskast og dafna og þá gæti hún farið að senda lið í Íslandsmót skákfélaga og Íslandsmót ungmennasveita. Þá væri tímapunktur sem einhverjir myndu velja að senda tilkynningu til Keppendaskrár Skáksambandsins um að þeir ætluðu að tefla fyrir Breiðablik.

Aðstaðan

Skákdeildin er búin að fá aðstöðu í hinum glæsilega sal Stúkunnar við Kópavogsvöll, en þar var teflt í Landsliðsflokki Skákþings Íslands í vor. 

Úrslitaeinvígi Braga Þorfinnssonar og Þrastar Þórhallssonar í vor um titilinn Skákmeistari Íslands í Stúkunni. Gunnar Ingi Birgisson og Hilmir Freyr Heimisson að tafli með Breiðablik.

Starfið

Eftirfarandi hugmyndir eru í gangi um starfsemi félagsins:

• Stuðningur við Skákakademía Kópavogs í óbreyttri mynd undir forustu Helga Ólafssonar. Akademían verður með æfingar síðdegis á föstudögum og á laugardögum í vetur. Blikavagninn, sjá: http://www.breidablik.is/forsida/rutuferdir/

• Samstarf við Goðann-Máta og Skákfélag Íslands, æfingar, félagsskapur og skákrannsóknir.

• Stuðningur við skákkennslu og skákstarf í skólum Kópavogs.

• Íþróttahópum Breiðabliks og HK boðið að brjóta upp starf sitt með skákkvöldum.

• Skák í boði í tengibyggingunni í Smáranum og í Kórnum.

• Fyrirlestar fræðimanna um málefni tengd skák  - leitin að sannleikanum.

• Og fleiri hugmyndir sem fæðast og eiga eftir að þróast með félaginu.

Hópurinn

Markhópur deildarinnar eru skákmenn í Kópavogi, bæði ungir sem aldnir. Einnig eru stuðningsmenn Skákdeildarinnar velkomnir í félagið !

Stofnfundur Skákdeildar Breiðabliks, kosning í stjórn og önnur formsatriði verður þegar deildin er komin á ról, líklega í mars 2013.

Miðvikudagskvöldið 19.september 2012 hittust skákmenn úr Kópavogi ásamt félögum úr Goðinn Mátar í Stúkunni til að skoða aðstöðuna og ræða starfið í vetur.  

Tenging skákdeildarinnar við aðra

Er fullgildur aðili að aðalstjórn Breiðabliks: http://www.breidablik.is

Er aðili að Skáksambandi Íslands: http://www.skaksamband.is

Er í samstarfi við Skákfélagið Goðinn Mátar: http://godinn.blog.is/blog/godinn/

Er í samstarfi við Skákakademíu Kópavogs

Félagar í Breiðablik geta sótt um styrk til Afrekssjóðs UMSK í gegum sitt félag: http://www.umsk.is/?page_id=40

Skákstyrktarsjóður Kópavogs veitir styrki til barna- og unglingastarfs: http://www.skakstyrktarsjodur.is/

Lög deildarinnar og bráðabirgðastjórn

Deildin starfar eftir lögum Breiðabliks: http://www.breidablik.is/forsida/log_og_reglur_felagsins/Kennitala Skákdeildar Breiðabliks: 5611121770

Bráðabirgðastjórn: Halldór Grétar Einarsson formaður og fulltrúi í aðalstjórn Breiðabliks, Jón Þorvaldsson ritari, Hlíðar Þór Hreinsson gjaldkeri.

F.h. áhugamanna

Halldór Grétar Einarsson

halldorgretar@isl.is

S: 6699784

Skráðir félagar